ՈՒՍԱՆՈՂԱԿԱՆ ԽՈՐՀՐԴԻ ԳՈՐԾԱՌՈՒՅԹՆԵՐԸ

1. Խորհուրդը  ձևավորվում  է  քոլեջի  համապատասխան  կուրսերից  ներկայացուցիչների  ընտրության  սկզբունքով:  Խորհրդի  լիազորությունների  ժամկետը  2  տարի  է,  որի  ընթացքում  կարող  է  տեղի  ունենալ  Խորհրդի  անդամների  մասնակի  փոփոխություն՝ քոլեջն  ավարտելու  և  նոր  ուսանողների ընդունելության  հետ  կապված:
2. Խորհրդի  ղեկավար  մարմինը  նախագահն  է,  կառուցվածքային  ստորաբաժանումները՝  հանձնաժողովները:
3. Խորհրդի  նիստերը  գումարվում  են  կիսամյակում  առնվազն  2  անգամ:  Արտահերթ  ժողովներ  հրավիրվում  են ըստ  անհրաժեշտության:
4. Խորհրդի  նիստերը  համարվում  են  լիազոր՝  Խորհրդի  անդամների  առնվազն  երկու  երրորդի  մասնակցության  դեպքում: Խորհրդի  որոշումներն  ընդունվում  են  նիստին  ներկա  անդամների  ձայների   մեծամասնությամբ,  եթե  Խորհուրդն  այդ  մասին  այլ որոշում  չի  ընդունում:
5. Խորհուրդը  ընդունում  է  իր  Կանոնակարգը:
6. Խորհուրդը  հաստատում  է  իր  գործունեության  տարեկան  աշխատանքային  պլանը:
7. Լսում  և  քննարկում  է  իր  նախագահի  և  հանձնաժողովների  հաշվետվությունները,  ինչպես  նաև  վերջիններիս  կողմից  ներկայացվող  հարցերը:
8. Քննարկում  է   այլ  հարցեր    և  ընդունում  համապատասխան որոշումներ:
9. Ընտրում  է  Խորհրդի  նախագահ՝  երկու  տարի  ժամկետով:  Խորհրդի  նախագահ  կարող  է  ընտրվել  Խորհրդի  անդամ  հանդիսացող  յուրաքանչյուր  ուսանող:
10. Խորհրդի  նախագահի  ընտրությունը  կատարվում  է  Խորհրդի  նիստում՝  փակ  գաղտնի  քվեարկությամբ (եթե  այդ  մասին  այլ  որոշում  չի  կայացվում): Նախագահի  թեկնածուն  համարվում  է  ընտրված,  եթե  նրա  օգտին  քվեարկել  է  Խորհրդի  ներկա  անդամների  մեծամասնությունը:
11. Ընտրում  է  Խորհրդի  փոխնախագահ, քարտուղար և հանձնաժողովների  նախագահներ:

Ուսանողական  խորհրդի  կազմը